Rückblick VJ 20
13.02.24 - Güdis Zistig
Soo es esch Ziit, sech z verabschede. De letschti Tag esch verbii, t Fasnacht ghört schoweder de Vergangeheit. Mer hend döffe en wahnsenns Zämearbet vo de Diebetormtöibeler, Guggsurruugger ond Geugguseer gniesse.❤️ Denn sie send bim Omzog cho Spalier stoh, das esch definitiv eis vo de absolute Highlights gsi!🤍 Au am Obe bim Böögverbrönne hemmers rechtig chönne gniesse. Au met de eint oder ander Träne, esch das ganze met sehr positive Gfühl z Änd gange. Nochem Böögverbrönne hemmer zum Abschloss nomoll uf de Chelestäge gspellt. Met Füürwärk, Konfettibombene ond Rauchbombene.🎉 Mer, wie au üse Tambi hend alles gäh. Mer hends eifach nor no chönne gniesse. Es esch es Johr gsi, wo üs definitiv in Erennerig werd blibe.
Mer danked vo ganzem Härze... üsem Tambi, wo üs trotz allne höchs ond tüfs onter kontrolle gha hed ond üs au emmer ond emmer weder motiviert hed. ...üsem Präsi, wo üs di ganze Johre begleitet ond onterstötzt hed. Vele Dank üsne Sponsore ond Gönner, ohni üch wär das alles gar ned möglech gsi. Ond natürlech au es Riise Danke a alli üsi Hälfer ond die Lüüt, met dene mer döfed fäschte ond wo a üsne Uftrett au emmer met debii send. DankeDankeDanke🫶
12.02.24 - Güdis Mäntig
Am Mäntig hed üsi Chenderfasi statt gfonde. Nochem dekoriere ond Ufstelle vo allne Pöschte hemmer im Städtli Gschminkt. Wo de langsam t Chend ond t Familie itrudlet send, hed t Chenderfasi so rechtig chönne starte. T Kids hend chönne a de Maskepremierig metmache, go Schminke, bastle ond no einiges meh. Mer danked de Guggsurruugger ond Diebetormtöibeler för ere hammer Uftrett.🫶 Aschliessend esch au t Zonft no verbii cho ond hed t Rangverchöndigong gleitet. Zum Schloss heds no en riisigi Konfettischlacht gä.🎉
Wo s langsam lähr worde esch im Städtli, hemmer agfange alles weder ufzruume. Am Obe semmer voller vorfreud uf Geuesee zu de Geugguseer. Dete hemmer üses Fäscht nochem Uftrett definitiv gfonde. Danke hemmer au das Johr nomoll döffe debii si, es esch de wahnsenn gsi.❤️
11.02.24 - Fasnachts Sonntig
Höt Morge hed gstartet, met hälfe Ufrume vom Monster gester obe. Spöter semmer i Schminkruum ond hend spontan frei Schminke gmacht. Met vell kreativität im Gsecht semmer uf Oberchöuch zu de Sooregosler at Chenderfasi go spele.🎺 Vorem Monster in Oberchöuch hemmer schnell en Abstächer uf Soorsi i Mc gmacht.🍟 Met vollem Buuch ond voller Freud semmer weder zrogg go spele ond go Fäschte. Am spötere Obe hemmer au no en hammer Uftrett i de Halle döffe ha, mettere tolle Shötli Öberraschig. Danke vell moll Sooregosler🫶
10.02.24 - Fasnachts Samstig
Höt esch s Monsterkonzärt... Scho am Mettag semmer üse Stand go ufstelle.⚒️ Nochem Schminke ond em Rauchbombe teschte semmer rechtig Städli ond hend üs för de ersti Uftrett ready gmacht. Noch üsem eröffnigs Uftrett vom Monster semmer üs go parat mache för de Corso. Noch dem super Omzog semmer rechtig Chelestäge ond hend dete en wahnsenns Uftrett döffe ha. En Uftrett wo üs secher in Erennerig werd blibe.🎉 Danke vell moll för alli wo met debi gsi send.🫶 Diräkt wiiter esches nochhär is Schwitzerheim, au dete hemmer no es Ständli gspellt. Aschliessend semmer üsi Hälfer bim Stand go ablöse ond send a üsi Pöschte go schaffe. Es riiisigs Danke a alli wo üs gholfe hend ond danke at Guggsurruugger för dä hammer Tag.
09.02.24 - Fasnachts Fritig
Ond scho esch de zwöiti Tag verbii. Höt semmer zu de Edith zwöi Ständli go spele, zwösch döre heds en feini Verpflegig gä ond aschliessend semmer wiiter, weder uf Soorsi zu de Migros go spele.🥳 Met nem chline Omzog semmer is Städlti gloffe ond hend au dete uf de Böhni no zwöi/drü Lieder gspellt.🎶 Wiiter esches is Schwitzerheim go ässe ond zum Abschloss heds au dete no es Ständli gä. Schöne Fritig esches gsi ond mer freued üs ufs Monster🥰 Chömed doch a üsem Stand verbii, diräkt näbem Schuh Küng:)
08.02.24 - Schmudo
Nochli müed ond verschlofe hed am Morge früeh nochem Uhrknall t Fasiwoche gstartet.🎉 Nochem Izog ond em chorze Uftrett uf de Chelestäge, heds öbbis zum Zmorge gä. Aschliessend semmer zum Schminkrum ond hend no bezli pfuuset. Met fröscher Schminki ond voller Freud semmer zu üsne Sponsore, em Color-Center go es Ständli spele.🎺 Nochhär hemmer is Schwizerheim döffe go ässe ond spöter semmer uf Mauesee zu de Fääger at Chenderfasnacht. Aschliessend esches diräkt wiiter gange, t Intrumänt ipackt, t Autos gföllt ond ab uf Soorsi zu de nöchste Chenderfasi:)
Bim Hersche semmer au no schnell verbii go spele ond scho glii drufabe hed s Narrelaufe agfange. Danke för dä tolli Start🫶
3. Februar - Apfeff
Ond scho esch üsi Vorfasnacht weder z änd. Am Samstig semmer in Schänke am A-Pfeff vo de Schenkastico gsi. Mer hend döffe am Omzog als Nommere 8i metlaufe, aschliessend am Monster dosse spele ond zum krönende Abschloss no im KafiWaage.🎺 Dä absolut geili Schloss wärdemer för emmer in Erennerig phalte. Es esch de wahnsenn gsi. Herzleche dank at Fääger för die hammer stemmig.🔥🎉 Mer gniessed die Zit vo ganzem Härze!❤️
Ond mer freued üs alli riisig uf nöchst Woche, womers nomoll rechtig lönd lo krache. Mer chönds fast ned gnueg säge, aber es riiiiise DANKEE a alli wo üs soo hammer mässig onterstötzed, met dene mer döfed Fäschte ond die wo emmer ond emmer weder üsi Uftrett chömed cho lose. Danke danke danke🫶
T Fasnacht startet för üs am Donnstig morge früeh, im Städtli a de Tagwach, chömed doch verbii:)
För witeri Infos chönder au onter Tournee go luege.
26. Januar - Brändiball, 27. Januar - Heiniball&Fäägerweekend
Das Weekend hed för üs am Fritig am Brändiball gstartet. Met liebevolle zuehörer ond motivierte Guggsurruugger hemmer au i dere hetz rechtig spass gha.🥳 Es riise Dankeschöön at Guggsurruugger för das hammer Gschänk🫶
Spöter semmer de no uf Mauesee zu de Fääger zum üs chli lo istemme för am Samstig.🥂
Am Samstig hemmer am Fäägerweekend döffe s Monster am 6i eröffne. Nochere feine Guggeverpflegig hemmer de de zwöiti Uftrett i de Halle gha. Es esch de hammer gsi.🎉
Aschliessend semmer uf Soorsi zu de Zonft ond hend dete am Heiniball döffe spele.🎵 Noch dem super Uftrett, semmer noch em Zwöschestopp bim McDonalds weder zrogg uf Mauesee ond hend dete de Obe lo usklinge loh. Danke för die toll Zit ond dere wahnsenns Onterstötzig:)
20. Januar - BgB die Party
So ond schoweder esch es hammer Wochenändi verbii. Mer hend weder moll rechtig dfäschtet ond t Zit chönne gniesse. Danke Moosschränzer ond Borgguugger hemmer bi üchne Fäscht döffe debi si.🫶 Danke vell moll Geugguseer för die hammer Stemmig a üsem Uftrett.🔥
Mer freued üs scho uf nöchst Woche, wo mer am Fritig bim Brändiball ond am Samstig am Fäägerweekend ond am Heiniball döfed spele.🎺
19. Januar - Moossiball
Höt hemmer bi de Moosschränzer a Moossiball döffe. Met vell motivation semmer uf das chalte Wauwil.❄️ Zum t Ziit vertriibe semmer chli vo Bar zu Bar, vo Halle zu Kaffizält ond weder zrogg. Höt hemmer döffe s Schlossliechtli sii ond hend darom erst am viertel ab 12i im Kaffizält gspellt. Nochem Uftrett semmer schnell weder is warme ond hend dete nochli party gmacht, bis denn schlossändlecht t musig ufghört hed spele;)
Danke Moosschränzer hemmer das Johr nomoll döffe debi sii🫶
13. Januar - TereterNächt
Soo noch de hoffentlech letschte änderige am Chleid hemmer uf Teret döffe go spele ond party mache.🥳 Wo mer de alli üsi Instrumänt gha hend, hed üse Obe met em Monsterkonzärt im hoger obe chönne starte;) Aschliessend hemmer i de Schnopfhötte döffe go Ässe, bis mer de spöter am viertel vor 10ni dete au hend döffe spele.🎺 Met hammer Stemmig ond nem motivierte Publikum machts au rechtig spass.🫶 Liebi Dorfguuger, danke hemmer au das Johr nomoll döffe debi sii:)
zur Bildgalerie
10.-12. November - Probeweekend
Letscht Wochenend hend mer i de Mörlialp üses Probeweekend döffe dörefüehre.🎺 Met Sonneschiin, Räge ond plötzlech Schnee, semmer sehr intensiv am probe gsi.🌦️☃️
Dank em feine Ässe hemmer bi dene velle Probene au emmer möge üses beste gä. Met vell lache, tanze ond Speli spele, esch die rästlech Zit leider sehr schnell verbii. Trotzdem hemmer die Täg fest chönne gniesse ond jetzt freue mer üs alli scho ganz fest uf die kommendi Fasnacht.🥳
Jubi Reis
18. September - Jubireise
Am Vergangene Weekend send mer uf eusi langersehnti Jubireis.
Reiseziil Kroatien:
Am Fritig hemmer eus alli zäme uf die 03:30 ufem Marktplatz troffe ond send denne direkt los rechtig floghafe uf Basel.
Am 07:30 esch denne euse Flog rechtig Split gange.
In Split aacho hemmer e churzi pause gmacht am Hafe well eusi fähri erst innere stond gfahre esch.
Noch dere kaffipause heds denn gheisse ab ufd fähri. Mettere riisige stemmig hemmer denn doch halt die ganzi fähri onterhalte. Seg das chli met senge gseh oder halt eifach chli am tanze.
Noch dere stond fähri semmer denn au scho uf eusere Insle aacho. Noch 15 min Autofahrt semmer denne dete gse i eusem hotel. Hend iicheggt ond eusi zemmer bestuunt.
Was aber direkt ufgfalle esch esch euses Jubiläumsgschänk gse. Es badtüechli was geds för besseri aadenke. Es esch eifach de Wahnsinn.
Mer hend ziit in Kroatie so Gnosse dases eifach vell vell zschnell verbii gange esch.
Gärn hättemer no meh ziit dete verbrocht.
Aber hey dfasnacht chund ja erst no!!
Mer möchte eus be allne bedanke wo eus emmer unterstützed ond eus helfed eus chöme cho lose i dene 20 Johr !
News
04. Juli - Logo
NewsNewsNews...
Dörfed mer vorstelle: Euses neue Logo!
Im verlaufe vo dene 20 Johr Snozzichöbler esch euse Drache doch au es bezzali erwachse worde.
Mer freued eus jetzt scho riisig euses Jubijohr im neue Kleid sowie au mettem neue Logo dörfe Zfiire.🍻
Info
03. April - Erstali Obe
Wetsch au duu zonnere coole Troppe ghöre???🎉
Au wenn du no keis Instrumänt spellsch, brenged mer der das gärn bii.
Mer wörded üs freue, wenn au du bi üsem 20 jährige Jubiläumsjohr debii wärsch!🫶
Rückblick VJ 19
21. Februar - Güdiszistig
ES... esch weder verbii🎈 Nochem tolle Umzog ond em schöne Böögverbrönne ghört au die Fasnacht bereits de Vergangeheit. Mer danked allne vo ganzem Härze, wo au die Fasnacht weder debii gsi send:) Öb das als Hälfer, Gönner, Frönde, Familie oder eifach als Zueschauer gsi esch, ohni üch wär die Fasnacht ned glich toll worde🫶 Es hed rüüdig Spass gmacht:)
Nöchst Johr heissts neui Gwändli, neui Lieder ond 20 Johr SNOZZICHÖBLER SURSEE, mer freued üs scho riiisig uf t Fasnacht 2024💕
20. Februar - Güdismäntig
Nochem ufstelle vo üsere alljöhrleche Chenderfasnacht im Städtli, hemmer üses Freischminke au grad dete gmacht. Bis alli eri gwönschti Schminki gha hend ond alli Agebot för t Kids bi de Ständ parat gsi send, esches scho fast los gange. Met all dene lachende ond schön verchleidete Chend hed dä Nomittag mega grossi Freud gmacht:) Nochem Uftrett vo de Diebetormtöibeler ond de Guggsurruugger ond natürlech de Rangverköndigong vo de Zonft, hend au mer no paar Lieder gspellt.🎵 Wo de t Chenderfasnacht im Endi zue gange esch, hemmer scho agfange s ganze Fäscht weder abzbaue. Aschliessend hemmer üs de scho langsam uf de Wäg gmacht a Easyball uf Geuesee. Bi üsem Uftrett hemmer de nomoll alles gä. Ond de Obe esch nomoll so rechtig gnosse worde. Thank you Geugguseer🫶
19. Februar - Fasnachtssonntig
Am Morge früeh hesch in Soorsi scho chönne Snozzis gseh, denn üse Tag hed scho am 8i im Schminkruum agfange. Do mer das Johr weder it Chele hend döffe, semmer natürlech au pönktlech am 10ni parat gstande.🎺 Bevor mer uf Oberchöuch zu de Sooregosler at Chenderfasnacht send go spele, hemmer spontan bim TimeOut verbii döffe, go es vellsitigs Zmettag ässe:) Danke vell moll, es esch mega fein gsi.🌭
Noch de Chenderfasnacht ond noch nem erholsame Nomitagsschlöfli a de Sonne semmer weder ready gsi för s Monster am GuggAir.☀️ Nochem glongne Uftrett dosse hemmer nomoll i de Halle döffe spele. Danke hemmer au das Johr weder döffe debi si:)
18.Februar - Fasnachtssamstig
Gstartet hed üse Samstig im Städtli, met ufstelle vo üsem alljöhrleche Stand.🛠️
Met Sonneschiin ond ganz vell Konfetti hemmer das Johr s Monsterkonzärt döffe eröffne. Noch dem tolle Uftrett esches wiiter met em Monstercorso gange ond aschliessend hemmer en feini Guggeverpflegig döffe gniesse.
Bevor mer de üsi liebe Hälfer a üsem Stand vom schaffe send go ablöse, hemmer no en hammer Uftrett met de Geugguseer uf de Chelestäge döffe fiire🎉 Danke vell moll för die toll Erennerig!🫶
17. Februar - Fasnachtsfriitig
Höt hemmer bi de Edith Hair&Nails in Schänke agfange, met zwöi Uftrett ond send denn nochere feine Verpflegig ond met Sonneschiin☀️ uf Soorsi zu de Migros. Noch dene beide Uftrett, esches denn wiiter zum Märtplatz, at Kulturfasnacht. Vo det us hemmer en Omzog dör s Städtli gmacht, bis zum TnT. Det hemmer de au no zwöi/drüü Lieder gspellt.🎶 Zum Ässe hemmer üs spöter bim Schwizerheim troffe, wo mer aschliessend au nomoll gspellt hend:)
16. Februar - SchmuDo
Am Morge früe no voll verschlofe oder emmerno wach, semmer at Chesslete ond hend met de Diebetormtöibeler, de Guggsurruugger ond natürlech de Zonft t Fasnachtswoche eröffnet.🎉 Wiiter gange esches met em Uftrett bi üsem Gönner vorem Colorcenter. Am Nomi semmer uf Mouesee zu de Fääger ond hend au dete üses beste gä🎈 Spöter semmer de weder zrogg uf Soorsi ond hend döffe a de Chenderfasnacht spele:)
Spontan esch de sogar en Teil vo üs, am Obe, bim Narrelauf debi gsi. Zum erste Moll met debi ond en hammer Idrock hemmer henterloh. Danke vell moll!🫶
15. Februar - LMS-Ball
Mer hend am Mettwoch vorem SchmuDo de Weg uf Honeri gfonde. Met musikalische Kläng hemmer de LMS-Ball dörfe eröffne. Ond scho morn starte mer id Fasnachtswoche 2023. Drom wönsched mer allne en rüüüdigi Fasnacht - geil wieners möchet!
12. Februar - Willisau Umzug
Nochem Schminkruum potze send en Teil vo üs uf Willisau. Im Sonneschiin☀️ ond met vell bekannte Gsechter hemmer chönne de Omzog gniesse.
Au Zonft ond es paar Nochberguggene send met debii gsi:)
11. Februar - A-Pfeff & Carneval
Gstartet hed üse Samstig Nomi met em Iizog am A-Pfeff vo de Schenkastico in Schänke. Üse nöchsti Uftrett hemmer de a erere Chenderfasi gha, vor mega härzigem Publikum:)
Noch de Verpflegig semmer de met em Car uf Buttisholz a Carneval. Dete acho, semmer met Füürwärk begrüesst worde ond hend wedermoll en super Uftrett döffe ha. Danke Gloggereschränzer hemmer döffe debii si.
Met em Car semmer spöter nomoll uf Schänke zrogg ond hend dete üsi Party wiitergfüert😜
Am Mettwoch döfemer a LMS-Ball uf Honeri. Mer freued üs:))
3.-4. Februar - Brändiball, Fäägerweekend & Heiniball
Das Weekend hed am Brändiball gstarte. Noch dem Uftrett semmer de no bi de Schenkastico am Gönneralass verbi ond hend dete au nomoll es Ständli gspelt.
Am Samstig semmer de in Mouesee am Fäägerweekend gsi ond hend dete zwöi top Uftrett gha. Spöter semmer de no am Heiniball verbi ond hend de aber de Wäg weder uf Mouesee gfonde;) Danke Insalifääger, hemmer das Johr au weder döffe debi si.
Nöchst Woche gods wiiter zu de Gloggereschränzer a Carneval ond zu de Schenkastico an A-Pfeff.
28. Januar - Moossiball
Ond schoweder esch es Wahnsennsweekend verbii. Am Füfliiber Fritig semmer das Johr au scho parat gsi, gspellt hemmer jedoch erst am Samstig im Kaffizält be de Moosschränzer.
T Stemmig am Moossiball esch de hammer gsi.
S nöchste Wochenendi spelemer am Fritig am Brändiball, am Samstig in Mouesee be de Insalifääger Mouesee am Fäägerweekend ond aschlüssend am Heiniball. Eus wörds freue wenn mer au dech wörded gse.
21.-22. Januar - Bisserball & Umzug Büron
Am Samstig hemmer üsi UV-Schminki chönne i de Neon-Bar in Dagmerselle teste:) De Uftrett hemmer wägem Schnee🌨️ im Kaffizält döffe ha, womer natürlech au no eis, zwöi send go nä.
Am nöchste Morge semmer de wiiter uf Büron a Omzog. Spöter hemmer s Monster eröffnet ond i de Halle nomol en suuper Uftrett döffe ha.🎉
Danke för das tolle Weekend:)
14. Januar - Tereter Nächt
S erste Fäscht vo de Vorfasnacht hemmer das Johr in Teret döffe ha. I de Schnopfhötte hemmer üsi Lieder döffe präsentiere ond das binnere hammer Stemmig. Danke Dorfguuger hemmer döffe debi si:)
S nöchste Weekend semmer am Samstig in Dagmerselle ond am Sonntig in Büron am Umzog. Chömed doch verbi;)
07. Januar - Inthronisation
ES hed weder gstartet🎈Am Samstig hemmer äntlech weder met de Fasnacht döffe starte ond mer freued üs riiiisig uf di folgende Wochene. Üse neue Heinivater esch: Giovanni Guglielmo metem Motto "Let's Rock'n'Roll🥳 Herzlechi Gratulation!
Nöchst Samstig semmer in Teret azträffe
;)
25-27. November - Probeweekend
Au das Johr hemmer weder es hammer Weekend döffe erläbe.🥳 Mer hend sehr vell ond intensiv Probt aber au gselligi Öbe gha. Di vier neue Snozzis hend scho super Isatz zeigt ond mer hend si metere amisante Taufi härzlech Wellkomme gheisse. Mer freuet üs alli scho uf di öffentlech Prob innere Woche am 09. Dezember ih de Mensa dSoorsi. Chömed doch verbi!